 |
Sirva esta añorada imagen del paseo Begoña para entonar una poesía en bable de Teodoro Cuesta saludando al pueblo de Xixón.
"Si a los güeyos el alma s`asomara
por poco qu`esclucara
so gozu vos mostrás`y so alegría...
y en sí mesma, la viéreis afanosa,
añerar amorosa,
el eternu recuerdu d`isti día.
Eternu...sí ¡con bona o mala suerte,
non llegará la muerte
ferime,sin folgam`en to memoria!
Y aunque fríu calavre baxe al suelu,
si el alma esnal`al cielu
recordate, ¡ oh Xixón! podré na gloria.
¿Quién soy? probe cantor, que ya so lira
amusgada sospira,
barruntando so triste fin cercanu,
y solo arrincar puedo so dolzura,
si canto la hermosura
d`isti ricu xardín, suelu asturianu.
¡Oh pueblu xixonés!...Tú qu`al devinu,
al inmortal Xovinu
añerasti en to senu cariñosu,
déxame que m`abluqu`en to presencia,
y d` afleuto y querencia
preba te dé`l poeta rispetuosu.
Yera yo rapacín, y les altures,
los valles y espesures
qu` al tomillu arrecienden, conocía...
y al esclucar el alba ¡cuántes veces,
enamé de Contrueces
el floridu camín fasta la Guía!