 |
| 1910 |
Don Roque, que viene
desde Palanquinos,
pueblu de Castilla,
d'abondos vecinos,
aunque ya ye vieyu,
nunca la mar vio;
y vais conocer
cómo se logró.
El mélicu i fizo
recomendación,
de que pa bañase
viniera a Xixón.
Y cuando na playa,
Don Roque se vio,
tanto abrió la boca
que non la cerró.
 |
| Años 60 |
¡Aquellos cachones
subir y baxar,
ruxendo, ruxendo,
en sin aparar!
¡A esgaya l' arena
roxina, roxina,
brindaba a sentase
polo llinpiquina!
Les lanches, abondes,
de sele esbarriar
per riba del agua...
¿Non ye pa plasmar?
 |
| 1957 |
¡Y ver los vapores
per lloñe afumando,
y que se columbien
andando y rulando!
¡Y ver les gaviotes
pe' l cielo esnalar,
y dacuando oyeles
glayar y glayar!
¡Y moyar el cuerpu
pegando un berridu,
cuando el agua salta
p' anriba ' l ombligu!
Iráse don Roque
y dira ' n Castilla:
- ¿Xixón y so playa?
¡Una maravilla!
Agustín de la Villa
