martes, 6 de noviembre de 2012

POBRES VAQUES ASTURIANES, CAMPEONES DE GANAU...


Pobres vaques asturianes, campeones de ganau...
tais tristes pe les quintanes, ¡la lleche quedó pa prau!
ya non tnéis vitamines nin la lleche ye espumosa,
hay que dala en botellines pa que sea provechosa.
Ya non val la lleche - presu el quesu d´afuega el pitu
Pos el yogurt danlu fechu pa metelu pel focicu.
La manteca que mazcamus non ta nidia, ta confusa.
Sólo falta que sepamus que también ye made in U.S.A.
Toy mirando el palabreru donde diz pasteurizada.
Y tópome col consuelo que ye igual pasterizada.
Si el prau ye un pastizal con pación en abundancia.
Cualquier persona cabal pasteriza en consonancia.
La lleche tien microbuses lo mesmo que bacilones.
Y la xente a toes luces pue tener infestaciones.
Per esu ha calentase lo menus sesenta gradus.
Y ansina esterilizase pa vendese nos mercadus.
Morren así microbuses y también los bacilones,
Como el peligro enos cruces en toes les poblaciones.
Si la lleche calentamus va menguanos la ración...
Si la vaca calentamus ¡seguro da una fiación!
Pelayu pelió n ´Asturies con lleche recién catada.
Y nunca pasó penuries per non tar pasteurizada.
La ciencia recomendaba a toes les persones floxes.
La lleche recién catada sin recietar otres coses.
Mugiendo van les vaquines,muy tristones pa la era
La era de les botellines.....¡¡¡¡el cuentu de la lechera!!!!
                                                     Helios 1972

Miro el vaso de leche que tengo delante mío y......¡cómo recuerdo la leche recién catada de Nava! no hay color sin duda (¡no lo hay porque ni se le encuentra ,vaya!)